Пошук

Епархіяльны савет Мінскай епархіі падтрымаў рашэнне Свяшчэннага Сінода аб спыненні еўхарыстычных зносін з Канстанцінопальскім Патрыярхатам

13 лістапада 2018

13 лістапада 2018 года ў Мінскім епархіяльным упраўленні пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, адбылося пашыранае пасяджэнне Епархіяльнага савета Мінскай епархіі з удзелам усіх благачынных.

Удзел у пасяджэнні прынялі: епіскап Бараўлянскі Ігнацій, вікарый Мінскай епархіі; архімандрыт Сергій (Брыч), кіраўнік спраў Мінскай Экзархіі; архімандрыт Сергій (Акімаў), рэктар Мінскай духоўнай акадэміі; протаіерэй Андрэй Волкаў, сакратар Мінскай епархіі і ўсе благачынныя Мінскай епархіі.

Галоўнай тэмай сходу было асэнсаванне Заявы Свяшчэннага Сінода Рускай Праваслаўнай Царквы ад 15 кастрычніка 2018 года.

Абмеркаваўшы сітуацыю, якая склалася, Епархіяльны савет Мінскай епархіі вызначыў:

1. Аднадушна і аднагалосна падтрымаць рашэнне Свяшчэннага Сінода Рускай Праваслаўнай Царквы ад 15 кастрычніка (журнал № 71) аб прызнанні немагчымым далейшае знаходжанне ў еўхарыстычных зносінах з Канстанцінопальскім Патрыярхатам.

2. Выказаць сыноўнюю падзяку Свяцейшаму Патрыярху Маскоўскаму і ўсяе Русі Кірылу за цвёрдую, узважаную і непахісную пазіцыю ў стаянні за чысціню Праваслаўных канонаў і вучэння аб Царкве Хрыстовай.

3. Выказаць брацкую падтрымку Блажэннейшаму мітрапаліту Кіеўскаму і ўсяе Украіны Ануфрыю, епіскапату і ўсёй паўнаце Украінскай Праваслаўнай Царквы і працягнуць узнашэнне асаблівых малітваў аб брацкім народзе Украіны.

У ходзе пасяджэння быў разгледжаны шэраг іншых актуальных пытанняў прыхадскога жыцця епархіі.

Church.by

Фотарэпартаж