Епіскап Гомельскі і Жлобінскі Сцяфан узяў удзел ва ўзнагароджанні лепшых прадстаўнікоў моладзі Гомельскага раёна
03 чэрвеня 2017
1 чэрвеня 2017 года ў Чыгуначным раёне горада Гомеля прайшлі ўрачыстыя мерапрыемствы, прымеркаваныя да Міжнароднага дня абароны дзяцей.
Пляцоўкамі урачыстасцяў сталі: стадыён ФАЦ «Касцюкоўка-спорт», стадыён ААТ «Гомсельмаш», установы адукацыі раёна. Па традыцыі, цэнтрам свята стаў стадыён ААТ «Гомсельмаш», на якім прайшло ўрачыстае ўзнагароджанне лепшых прадстаўнікоў моладзі раёна.
На мерапрыемстве прысутнічалі: епіскап Гомельскі і Жлобінскі Сцяфан, кіраўнік Расійскага цэнтра навукі і культуры ў Гомелі Віктар Львовіч Мічурын, начальнік аддзела адукацыі, спорту і турызму райвыканкама Ірына Раманаўна Казімірава.
З прывітальным словам да ўсіх прысутных звярнуўся ўладыка Сцяфан:
— Дзеці — гэта адна з самых важных каштоўнасцяў нашага жыцця, аберагаць і абараняць дзяцей — наш абавязак. Мне радасна, што кожны год сіламі адміністрацыі Чыгуначнага раёна робіцца такое маштабнае свята, дзе ўзнагароджваюць дзяцей за іх поспехі, дзе кожны з іх можа адпачыць і адсвяткаваць пачатак самай цёплай пары года — лета. Я хачу павіншаваць усіх рабят з іх днём, пажадаць добрых канікул і Божага благаславення на ўсім жыццёвым шляху.
Таксама ў мерапрыемстве прынялі ўдзел прадстаўнікі грамадскай арганізацыі «АСВОД», Беларускага Таварыства Чырвонага Крыжа, МНС Беларусі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
