Пошук

Хрэсны ход, прысвечаны 100-годдзю пачатку подзвігаў навамучанікаў Царквы Рускай, перасёк мяжу Беларусі і Расіі

10 чэрвеня 2017

Міжнародны пешы хрэсны ход з Магілёва ў Пскоў, прымеркаваны да 100-годдзя пачатку подзвігаў навамучанікаў Царквы Рускай, прыбыў на тэрыторыю Расіі ў суправаджэнні духавенства і вернікаў Віцебскай епархіі, а таксама прадстаўнікоў выканаўчай улады Віцебскага рэгіёну.

На тэрыторыі Расійскай Федэрацыі хрэснаходцаў сустракалі прадстаўнікі Вялікалуцкі епархіі і адміністрацыі Невельскага раёна.

Пасля перасячэння расійска-беларускай мяжы удзельнікі шэсця памаліліся на малебне, які ўзначаліў благачынны Невельскай акругі протаіерэй Пётр Нятрэба. Айцу Пятру саслужылі: благачынны Гарадоцкай акругі іерэй Уладзімір Дагодзька, настаяцель храма Успення Прасвятой Багародзіцы пасёлка Езярышча іерэй Міхаіл Сініцкі, настаяцель храма Святога Духа вёскі Плісы іерэй Павел Анісімаў, настаяцель храма роўнаапостальнага князя Уладзіміра пасёлка Усць-Далысы іерэй Уладзімір Флаўянаў, настаяцель храма Казанскай іконы Божай Маці вёскі Шульгі іерэй Аляксандр Лебедзеў, клірыкі храма вялікамучаніка Панцеляімана горада Невеля іерэй Канстанцін Касымбараў і іерэй Арцемій Ішчанка.

За малебнам спяваў хор Віцебскай духоўнай семінарыі пад кіраўніцтвам іераманаха Серафіма (Паўлючэнкі).

Па заканчэнні набажэнства з прывітальным словам перад прысутнымі выступіў галоўны спецыяліст аддзела па справах рэлігій і нацыянальнасцяў Віцебскага абласнога выканаўчага камітэта Сяргей Мікалаевіч Фадзеенкаў. Ад імя кіраўніка адміністрацыі Невельскага раёна вернікаў павітала намеснік кіраўніка адміністрацыі раёна па маёмасных адносінах і інвестыцыях Карына Язэпаўна Кальва.

Нагадаем, што міжнародны пешы праваслаўны хрэсны ход, арганізаваны па благаславенню Свяцейшага Патрыярха Маскоўскага і ўсяе Русі Кірыла і прысвечаны 100-годдзю пачатку подзвігаў навамучанікаў Царквы Рускай, выйшаў з Магілёва 27 мая.

Пілігрымам трэба будзе прайсці больш за 500 км па маршруце: Магілёў — Віцебск — Вялікія Лукі — Пскоў, пастаянна саборна здзяйсняючы падчас шляху Ісусаву малітву і рэгулярныя малебнына прыпынках. На сённяшні дзень пройдзена больш за 250 км.

Віцебская епархія / Church.by