Пошук

Мітрапаліт Павел узначаліў выпускныя ўрачыстасці Мінскай духоўнай семінарыі

25 чэрвеня 2019

25 чэрвеня 2019 года ў Мінскай духоўнай семінарыі адбыўся ўрачысты выпускны Акт.

Перад пачаткам урачыстага мерапрыемства ва Успенскім саборы Жыровіцкага манастыра была здзейснена Бажэственная літургія, якую ўзначаліў мітрапаліт Мінскі і Заслаўскі Павел, Патрыяршы Экзарх усяе Беларусі, у саслужэнні рэктара Мінскай духоўнай семінарыі, архіепіскапа Навагрудскага і Слонімскага Гурыя і епіскапа Бараўлянскага Ігнація, вікарыя Мінскай епархіі.

Архіпастырам саслужылі: прарэктар Мінскай духоўнай семінарыі па выхаваўчай рабоце протаіерэй Віктар Васілевіч, прарэктар па выхаваўчай рабоце Мінскай духоўнай акадэміі іерэй Андрэй Бабушкін, выкладчыкі, выпускнікі семінарыі, браты мясціны і госці ў Святым сане.

На малым уваходзе мітрапаліт Павел абвясціў Указ Найсвяцейшага Патрыярха Маскоўскага і ўсяе Русі Кірыла аб узнагароджанні схіепіскапа Дзятлаўскага Пятра, вікарыя Навагрудскай епархіі, зважаючы на руплівую архіпастырскую працу і ў сувязі з 60-годдзем, ордэнам Рускай Праваслаўнай Царквы прападобнага Серафіма Сароўскага трэцяй ступені, і ўручыў юбіляру Патрыяршую ўзнагароду.

Богаслужэбныя спевы выканаў мужчынскі хор Мінскай духоўнай семінарыі пад кіраваннем выкладчыка семінарыі протадыякана Андрэя Скробата.

Пропаведзь перад Прычасцем прамовіў іерэй Уладзімір Грыцэвіч, выпускнік Мінскай духоўнай семінарыі.

Па заканчэнні Бажэственнай літургіі ўладыка Экзарх павіншаваў усіх са святам, а затым звярнуўся да прысутных з архіпастырскім словам. Мітрапаліт Павел заклікаў Божае благаславенне на выпускнікоў семінарыі, пажадаўшы ім быць святлом свету (Мф. 5: 14) і самааддана несці людзям Боскае вучэнне Хрыста Спасіцеля.

Патрыяршы Экзарх павіншаваў прычаснікаў з прыняццем Святых Хрыстовых Тайн і даў усім архіпастырскае благаславенне.

Па заканчэнні богаслужэння ў актавай зале адбыўся ўрачысты выпускны Акт, на якім мітрапаліт Павел уручыў дыпломы і падзякі выпускнікам, пасля чаго адбыўся семінарскі святочны канцэрт.

Church.by

Фотарэпартаж