Пошук

Настаяцель мінскага Петра-Паўлаўскага сабора перадаў музею Мінскай духоўнай семінарыі каштоўныя экспанаты

18 чэрвеня 2019

Збор царкоўна-археалагічнага музея Мінскай духоўнай семінарыі папоўніўся новымі экспанатамі, перададзенымі настаяцелем Петра-Паўлаўскага сабора горада Мінска протаіерэем Георгіем Латушкам.

Дзякуючы шчодраму ахвяраванню семінарская музейная калекцыя ўзбагацілася наступнымі экспанатамі:

1. Крыж-энкалпіён. Медны сплаў, ліццё. XI — пач. XIII стст.
2. Складзень трохстворкавы «Дэісіс». Латунь, ліццё, эмаль. XIX ст.
3. Складень трохстворкавы «Свяціцель Мікалай Цудатворац, двунадзесятыя святы». Латунь, ліццё, эмаль. XIX ст.
4. Абраз «Сашэсце ў пекла». Медны сплаў, ліццё, пазалота. XIX ст.
5. Абраз «Святы велікамучанік Георгій Перамаганосец». Латунь, ліццё, эмаль. XIX ст.
6. Карціна «Сынкавіцкая царква. Канец XV — пач. XVI стст.». Акварэль, 1991 г. аўтар — Г. Н. Бараноўская.

Адміністрацыя Мінскай духоўнай семінарыі выказвае шчырую ўдзячнасць протаіерэю Георгію Латушку за неабыякавасць да захавання царкоўна-гістарычнай спадчыны і істотны ўклад у развіццё экспазіцыі семінарскага царкоўна-археалагічнага музея.

Царкоўна-археалагічны музей Мінскай духоўнай семінарыі створаны ў 2014 годзе па ініцыятыве рэктара архіепіскапа Навагрудскага і Слонімскага Гурыя. У цяперашні час музей уключае пяць зал, прысвечаных гісторыі Мінскай духоўнай семінарыі, гісторыі Жыровіцкага манастыра, царкоўнаму мастацтву XI-XX стагоддзяў, рукапісным і старадрукаваным кнігам XVI-XVIII стагоддзяў, гісторыі духоўнай адукацыі і асветы на беларускіх землях у XIX — першай палове ХХ стагоддзя. Загадчык музея — прарэктар па навуковай рабоце А. В. Слесараў.

МінДС / Church.by