Пошук

Аршанскае духоўнае вучылішча запрашае абітурыентаў на 2020/2021 навучальны год

25 чэрвеня 2020

Аршанскае духоўнае вучылішча — навучальная ўстанова, якая рыхтуе царкоўнаслужыцеляў Праваслаўнай Царквы, выкладчыкаў нядзельных школ.

Набор ажыццяўляецца на тры аддзяленні:

• падрыхтоўчае аддзяленне рыхтуе кандыдатаў для паступлення ў духоўную семінарыю (тэрмін навучання 1 год). На падрыхтоўчае аддзяленне прымаюцца асобы мужчынскага полу (халастыя або жанатыя першым шлюбам);
• аддзяленне рэгентаў-псаломшчыкаў рыхтуе чытальнікаў, пеўчых, рэгентаў, псаломшчыкаў (тэрмін навучання 3 гады);
• багаслоўска-педагагічнае аддзяленне рыхтуе выкладчыкаў нядзельных школ, курсаў рэлігіязнаўства (вячэрняе — тэрмін навучання 2 гады; завочнае — тэрмін навучання 3 гады).
• місіянерскае аддзяленне — набіраюцца слухачы (тэрмін навучання 2 гады).

Маецца завочны сектар. У вучылішчы навучаюцца студэнты розных узроставых катэгорый. Формы навучання дзённая і вячэрняя.

ПРАВІЛЫ ПРЫЁМУ

Тыя, што паступаюць у духоўнае вучылішча здаюць экзамены па асновах праваслаўнага веравучэння, свяшчэннай гісторыі, пішуць пераказ на царкоўна-гістарычную тэму, а таксама праходзяць сумоўе.

Рэкамендуемая літаратура:

• Протаіерэй Серафім Слабадской. Закон Божы для сям'і і школы;
• Закон Божы. Аб праваслаўнай веры (т. 1-4);
• Праваслаўны малітоўнік.

Ад абітурыентаў патрабуецца асэнсаванае веданне наступных малітваў:

Пачатковых: «Цару Нябесны...», «Святы Божа...», «Прасвятая Троіца...», «Ойча наш...», «Прыйдзіце паклонімся…»

Ранішніх: «Ад сну ўстаўшы...», «Божа ачысці мяне, грэшнага...», Ангелу Ахоўніку.

Вячэрніх: «Божа Вечны...», «Уседзяржыцелю, Слова Айца...», «Добрага Цара Добрая Маці...», Ангелу Ахоўніку.

Божай Маці: «Дзверы Міласэрнасці...», «Багародзіца Дзева, радуйся...», «Дастойна ёсць...», «Найвышэйшай Ваяводзе...», «Не маем інашай дапамогі…»

Сімвала Веры, малітвы святога Яфрэма Сірына, Дзесяці запаведзяў Божых, запаведзяў Блажэнства, трапароў двунадзесятых святаў і свайму святому, псалмоў 50 і 90.

Жадаючыя паступіць у духоўнае вучылішча павінны падаць наступныя дакументы:

• Прашэнне на імя дырэктара
• Рэкамендацыю прыходскага святара (для паступаючых з іншых епархій — завераную кіруючым архіерэем)
• Дзве фатаграфіі (3Х4)
• Аўтабіяграфія
• Дакумент аб адукацыі
• Медыцынскую даведку (па форме, устаноўленай Міністэрствам аховы здароўя)
• Даведку ад псіхіятра
• Пасведчанне аб хрышчэнні
• Пасведчанне аб шлюбе (для тых, хто знаходзіцца ў шлюбе)
• Ваенны білет або прыпісное пасведчанне
• Пасведчанне аб нараджэнні
• Анкету (запаўняецца пры падачы дакументаў)
• Пашпарт.

Прыём дакументаў ажыццяўляецца з 15 па 25 жніўня па адрасе: г. Орша, вул. Савецкая, д. 7.

Уступныя экзамены будуць праходзіць з 26 па 27 жніўня.

Даведкі па тэлефоне: + 375 (29) 898 74 43.

Church.by