Пошук

Патрыяршы Экзарх здзейсніў чын вялікага асвячэння храма святых праведнай княгіні Сафіі і мучаніка немаўляці Гаўрыіла Слуцкіх у аграгарадку Гацук у Слуцкім раёне

22 жніўня 2021

22 жніўня 2021 года, у Нядзелю 9-ю пасля Пяцідзесятніцы, мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Слуцкай епархіі, здзейсніў чын вялікага асвячэння храма святых праведнай княгіні Сафіі і мучаніка немаўляці Гаўрыіла Слуцкіх у аграгарадку Гацук у Слуцкім раёне.

Яго Высокапраасвяшчэнству саслужылі: сакратар Слуцкай епархіі, благачынны Слуцкай царкоўнай акругі, настаяцель прыхода Міхайлаўскага кафедральнага сабора горада Слуцка протаіерэй Ігар Штэпа; благачынны Салігорскай царкоўнай акругі протаіерэй Мікалай Розаў; настаяцель прыходаў — храма праведнай Сафіі Слуцкай аграгарадка Вежы Слуцкага раёна, храма Праабражэння Гасподняга вёскі Гольчычы Слуцкага раёна, храма праведнай княгіні Сафіі і мучаніка немаўляці Гаўрыіла Слуцкіх аграгарадка Гацук Слуцкага раёна іераманах Серафім (Паўлючэнка); іераманах Мікалай (Есаян).

Дыяканскі чын узначаліў протадыякан Ігар Мартыс.

Богаслужэбныя спевы выканаў хор «Усіхсвяцкі» пад кіраўніцтвам Дзмітрыя Такмакова.

Па заканчэнні чыну асвячэння храма ўладыка Экзарх патлумачыў сэнс здзяйсняных свяшчэннадзеянняў, пасля чаго пачалася святочная Бажэственная літургія.

Падчас набажэнства былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай павевы.

На малым уваходзе Патрыяршы Экзарх, зважаючы на руплівую працу ў славу Святой Царквы, узнагародзіў іераманаха Серафіма (Паўлючэнку) правам нашэння нагруднага крыжа залатога колеру.

Пропаведзь перад Прычасцем прамовіў іераманах Мікалай (Есаян).

Па завяршэнні набажэнства мітрапаліт Веніямін звярнуўся да прысутных са словам настаўлення, у якім сардэчна падзякаваў усім, хто ўнёс уклад у добраўпарадкаванне новазбудаванага храма. Будаўнікам і дабрачынцам, актыўным парафіяльным працаўнікам былі ўручаны ўзнагароды Беларускай Праваслаўнай Царквы. Усім служачым ў храме і прыхаджанам архіпастыр пажадаў благаславённых поспехаў ва ўсякай справе.

У завяршэнне Патрыяршы Экзарх павіншаваў прычаснікаў з прыняццем Святых Хрыстовых Тайн і падаў вернікам архіпастырскае благаславенне.

Слуцкая епархія/Church.by

Фотарэпартаж