У дзень памяці прападобнамучаніка Афанасія Брэсцкага Патрыяршы Экзарх здзейсніў Літургію ў Афанасьеўскім храме горада Мінска
02 жніўня 2018
2 жніўня 2018 года, у дзень памяці прарока Ільі і святкавання знойдзення мошчаў прападобнамучаніка Афанасія Брэсцкага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме прападобнамучаніка Афанасія Брэсцкага горада Мінска.
Яго Высокапраасвяшчэнству саслужылі: кіраўнік спраў Мінскай Экзархіі архімандрыт Сергій (Брыч); благачынны 4-й Мінскай гарадской царкоўнай акругі, настаяцель прыхода храма Усіх Святых горада Мінска протаіерэй Фёдар Поўны; настаяцель храма протаіерэй Аляксандр Будзько; сакратар Мінскай епархіі протаіерэй Андрэй Волкаў і клірыкі прыхода.
Богаслужэбныя спевы выканаў парафіяльны хор пад кіраўніцтвам Наталлі Гірш.
Пропаведзь перад Прычасцем прамовіў протаіерэй Дзімітрый Шылёнак.
Па адпусце Літургіі з прывітальным словам да Патрыяршага Экзарха звярнуўся настаяцель прыхода протаіерэй Аляксандр Будзько.
Патрыяршы Экзарх падзякаваў айцу Аляксандру за словы вітання, павіншаваў духавенства і прыхаджан з прастольным святам прыхода і звярнуўся да ўсіх са словам навучання.
Мітрапаліт Павел павіншаваў прычаснікаў з прыняццем Святых Хрыстовых Тайн, падаў усім архіпастырскае благаславенне і на малітоўную памяць раздаў вернікам абразкі прападобнамучаніка Афанасія Брэсцкага. Імяніннікам было абвешчана мнагалецце, а таксама былі ўручаны кветкі і прасфоры.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
