Пошук

У дзень памяці роўнаапостальнага Мікалая Японскага мітрапаліт Павел здзейсніў Літургію ў храме ў гонар свяціцеля Мікалая Японскага горада Мінска

16 лютага 2020

16 лютага 2020 года, у Нядзелю пра блуднага сына, дзень памяці роўнаапостальнага Мікалая, архіепіскапа Японскага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар свяціцеля Мікалая Японскага горада Мінска.

Яго Высокапраасвяшчэнству саслужылі: благачынны 2-ой Мінскай гарадской акругі, настаяцель прыхода абраза Божай Маці «Усіх тужлівых Радасць» горада Мінска протаіерэй Ігар Карасцялёў; сакратар Мінскай епархіі протаіерэй Андрэй Волкаў; настаяцель храма протаіерэй Павел Сярдзюк; настаяцель храма ў гонар святога роўнаапостальнага князя Уладзіміра горада Мінска протаіерэй Сергій Белеўцаў, духавенства храма свяціцеля Мікалая Японскага і запрошаныя госці ў свяшчэнным сане.

Богаслужэбныя спевы выканаў хор пад кіраўніцтвам Мікіты Булахава.

Пропаведзь пасля запрычаснага сціха прамовіў клірык храма іерэй Сергій Цімашэнкаў.

Пасля заамвоннай малітвы Патрыяршы Экзарх і саслужачыя яму святары здзейснілі слаўленне свята Стрэчання Гасподняга і святога равноапостольнага Мікалая Японскага.

У завяршэнне богаслужэння Патрыяршы Экзарх здзейсніў чын асвячэння званоў для званіцы храма.

Пасля заканчэння набажэнства мітрапаліт Павел павіншаваў усіх прысутных з прастольным святам і звярнуўся да вернікаў са словам настаўлення.

Уладыка Экзарх павіншаваў усіх прычаснікаў з прыняццем Святых Хрыстовых Тайн, падаў усім архіпастырскае благаславенне і на малітоўную памяць уручыў вернікам абразкі святога роўнаапостальнага Мікалая Японскага.

Church.by

Фотарэпартаж