Пошук

У дзень памяці свяціцеля Мікалая Цудатворца мітрапаліт Павел здзейсніў Літургію ў Мікольскім прыходзе пасёлка Прывольны

19 снежня 2019

19 снежня 2019 года, у дзень памяці свяціцеля Мікалая, архіепіскапа Мір Лікійскіх, Цудатворца, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Мікольскім прыходзе пасёлка Прывольны Мінскага раёна.

Патрыяршаму Экзарху саслужылі: благачынны 3-й Мінскай гарадской акругі, настаяцель прыхода храма святога дабравернага князя Аляксандра Неўскага горада Мінска протаіерэй Мікалай Коржыч; настаяцель Нікольскага храма протаіерэй Анатоль Івашчук; настаяцель храма апостала Андрэя Першазванага горада Мінска протаіерэй Пётр Дзем'янчук; сакратар Мінскай епархіі протаіерэй Андрэй Волкаў; запрошаныя госці ў свяшчэнным сане і клірыкі храма.

Богаслужэбныя спевы выканаў хор Мікольскага храма пад кіраваннем Юліі Міхалевіч.

Пропаведзь перад Прычасцем прамовіў протаіерэй Пётр Дзем'янчук.

Пасля заамвоннай малітвы ўладыка Павел і саслужачыя святары здзейснілі чын слаўлення свяціцелю Мікалаю.

Пасля адпуста Бажэственнай літургіі ўладыка павіншаваў духавенства і прыхаджан Мікольскага храма з прастольным святам і звярнуўся да багамольцаў са словам павучання.

Патрыяршы Экзарх пажадаў усім дапамогі Божай па малітвах свяціцеля Мікалая, павіншаваў усіх прычаснікаў з прыняццем Святых Хрыстовых Тайн і падаў вернікам архіпастырскае благаславенне.

Усім імяніннікам было абвешчана мнагалецце, і ўладыка Павел уручыў ім прасфоры і кветкі, а дзецям — салодкія падарункі. На малітоўную памяць усім парафіянам мітрапаліт Павел уручыў каляндарыкі на будучы год з намаляванымі абліччамі святых.

Church.by

Фотарэпартаж