У вёсцы Бацэвічы асвечаны храм
20 жніўня 2017
20 жніўня 2017 года, у Нядзелю 11-ю пасля Пяцідзесятніцы, епіскап Бабруйскі і Быхаўскі Серафім здзейсніў вялікае асвячэнне храма ў гонар святых першавярхоўных апосталаў Пятра і Паўла ў вёсцы Бацэвічы Клічаўскага раёна, пасля чаго ўзначаліў у храме першую Бажэственную літургію.
Яго Праасвяшчэнству саслужылі: сакратар Бабруйскага епархіяльнага ўпраўлення, настаяцель Іверскага храма Бабруйска протаіерэй Сергій Каравінскі, настаяцель Мікола-Сафійскага храма Бабруйска протаіерэй Дзімітрый Баркар, настаяцель Касма-Дамянаўскага храма вёскі Любонічы і Петра-Паўлаўскага храма вёскі Бацэвічы іерэй Максім Кірэеў, дыяканы Нікольскага кафедральнага сабора горада Бабруйска Віталь Юшчук і Павел Жураўскі.
Падчас Бажэственнай літургіі епіскап Серафім ўзнагародзіў іерэя Максіма Кірэева правам нашэння камілаўкі.
Спевы Бажэственнай літургіі выканаў ансамбль харавога спеву «Ваганты» (Мінск).
Па заканчэнні Бажэсьвеннай літургіі і хрэснага ходу ўладыка Серафім звярнуўся да багамольцаў са словам архіпастырскага настаўлення, у якім павіншаваў вяскоўцаў з набыццём новага дома малітвы, а ўсіх людзей, якія маліліся — з нядзельным днём.
Епіскапу Серафіму была ўручана ганаровая грамата Клічаўскага раённага выканаўчага камітэта «за важкі ўклад у развіццё культурна-асветніцкай і адукацыйнай дзейнасці, працу па духоўнаму адраджэнню рэгіёна».
Ганаровымі граматамі Бабруйскай епархіі былі ўзнагароджаны старшыня Клічаўскага раённага выканаўчага камітэта Францішак Вітольдавіч Вашчыла і ўсе, хто дбаў пра ўзвядзенне і аздабленне новага храма.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
