Пошук

У Гомельскай епархіі пройдзе традыцыйны Велікодны фестываль

10 красавіка 2017

З 10 красавіка па 7 мая 2017 года ў Гомельскай епархіі пройдзе традыцыйны Велікодны фестываль. На працягу месяца ў храмах будуць арганізаваны святочныя мерапрыемствы для прыхаджан і ўсіх жадаючых. Канцэрты велікодных песнапенняў, творчыя майстэрні для дарослых і дзяцей, фотавыставы, духоўна-маральныя гутаркі, канцэртныя праграмы – усё гэта чакае ўдзельнікаў мерапрыемстваў. 

Мерапрыемствы Гомельскай гарадской акругі:

1) Храм святога дабравернага князя Аляксандра Неўскага
Прыход правядзе акцыі па раздачы святочных паштовак і буклетаў, дабрачынныя акцыі «Куліч ў далоньцы» і «Разам. Сёння. Цяпер. Назаўжды», накіраваныя на дапамогу шматдзетным сем'ям, інвалідам, састарэлым адзінокім людзям, маламаёмасным сем'ям. 23 красавіка на тэрыторыі храма адбудзецца ўрачысты канцэрт «Велікодны букет», падрыхтаваны сіламі моладзевай групы прыхода і навучэнцамі ДУА «Сярэдняя школа №15 горада Гомеля». Завершыць шэраг урачыстасцяў тэатралізаванае прадстаўленне «Велікодная казка» для пацыентаў ДУ «Дом-інтэрнат для ветэранаў вайны, працы і інвалідаў».

2) Храм іконы Божай Маці «Скорапаслушніца»
Цыкл мерапрыемстваў (17-23 красавіка) адкрыюць традыцыйныя сустрэчы з дзецьмі-інвалідамі, пляцоўкай для якіх стане ДУА «Сярэдняя школа № 50 горада Гомеля», і дабрачынная акцыя «Спяшайцеся рабіць дабро» па аказанню дапамогі маламаёмасным і шматдзетным сем'ям. Цэнтральным мерапрыемствам стане канцэртная праграма «Святаў свята і ўрачыстасць з урачыстасцяў».

3) Храм святога Архангела Міхаіла
На працягу ўсяго красавіка на тэрыторыі храма пройдзе выстава «XX стагоддзе ў паштоўках», падрыхтаваная нядзельнай школай прыхода. Праграма парафіяльных мерапрыемстваў багатая мноствам музычных падарункаў. 16 красавіка прыхаджан храма павіншуе аркестр Гомельскай пагранічнай групы. 22 красавіка на тэрыторыі храма адбудзецца сумесны канцэрт валанцёрскай групы і выхаванцаў нядзельнай школы для падапечных дзіцячага хоспіса.
У рамках акцыі «Уваскрасенне Хрыстова» з 3 па 23 красавіка прыходам храма арганізуюцца духоўныя гутаркі з вучнямі СШ № 7, 22, 39, выставы падзелак у дзіцячым садзе № 125, афармляюцца стэнды на велікодную тэматыку, раздаюцца місіянерскія ўлёткі аб свяце Вялікадня, наведваюцца сёстрамі міласэрнасці малазабяспечаныя і шматдзетныя сем'і.

4) Храм Праабражэння Гасподняга
З 20 сакавіка па 15 красавіка праходзіць конкурс «Велікодная паштоўка» сярод школ, акармляемых прыходам. У сам дзень Святой Пасхі прыход арганізуе «Велікодны перазвон» — перамяшчэнне званіцы з благадатным агнём па Гомелі. Урачыстым завяршэннем велікодных мерапрыемстваў стане вялікая канцэртная праграма «Праваслаўны жаночы дзень», прысвечаная святу жанчын-міраносіц, якая адбудзецца 30 красавіка на тэрыторыі храма.

5) Храм прападобнага Серафіма Сароўскага
Мерапрыемствы ў храме пачнуцца з урачыстага адкрыцця турніру па міні-футболе сярод школ Савецкага і Чыгуначнага раёнаў Гомеля. Турнір будзе доўжыцца з 16 красавіка па 7 мая. Галоўны прыз — пераходны кубак храма Серафіма Сароўскага. Працягнуць шэраг мерапрыемстваў дабрачынныя акцыі, у ходзе якіх моладзь і вернікі парафіі наведаюць на даму састарэлых і інвалідаў, а таксама пацыентаў Гомельскага абласнога клінічнага анкалагічнага дыспансера. Не застануцца ў баку і традыцыйныя духоўна-асветніцкія сустрэчы з навучэнцамі падшэфных школ (СШ №№ 9, 12, 25, 45, 50, 53), яны пройдуць у храме з 17 па 21 красавіка. Самым маштабным мерапрыемствам храма стане велікодны канцэрт.

6) Храм велікамучаніка Георгія Перамаганосца
На працягу красавіка ў храме пройдуць кіналекторыі на тэму пасхальных свят. У рамках акцыі «Падзяліся пасхальнай радасцю» 18 красавіка вернікі наведаюць шматдзетныя і маламаёмныя сем'і, інвалідаў, адзінокіх і састарэлых людзей. Завершыць цыкл мерапрыемстваў ўрачысты канцэрт сумесна з садам-школай № 23 і ДУА «Сярэдняя школа № 54 горада Гомеля».

7) Храм Іверскай іконы Божай Маці
Пачаткам цыклу мерапрыемстваў стане акцыя «Падары свята», накіраваная на дапамогу шматдзетным сем'ям, інвалідам, састарэлым адзінокім людзям, маламаёмасным сем'ям. Акцыя пройдзе з 14 па 16 красавіка. У працяг свята, прыход храма запрашае ўсіх ахвотных 20 красавіка ў гімназію № 46 імя Б. Паскаля на тэатральную пастаноўку «Папялушка», падрыхтаваную сіламі моладзевай групы прыхода. Самым галоўным і маштабным мерапрыемствам стане дабрачынны святочны канцэрт для дзяцей з псіханеўралагічнымі адхіленнямі ў Улукоўі і Дуяноўскім доме-інтэрнаце для састарэлых і інвалідаў. Паказ канцэрта адбудзецца 23 красавіка.

8) Храм Святой Жыццепачатнай Тройцы
17-21 красавіка пройдзе дабрачынная акцыя «Хрыстос уваскрэс». Вернікі наведаюць і павіншуюць хворых, якія знаходзяцца на лячэнні ў бальніцах медгарадка.

9) Храм праведнага Іаана Кармянскага
Храмам будзе арганізаваны Час літаратурнай паэзіі «Радасць слова», які пройдзе 17 красавіка ў гарадской бібліятэцы імя В. Драгунскага. 18 красавіка прыхаджане наведаюць шматдзетныя і маламаёмныя сем'і, інвалідаў, адзінокіх і састарэлых людзей.

10) Храм Грузінскай іконы Божай Маці
Прыходам будуць арганізаваны духоўна-асветніцкія гутаркі ў дзіцячым садзе № 89 і САШ № 13. Гутаркі пройдуць з 10 па 14 красавіка. 17, 18 і 19 красавіка адбудуцца дабрачынныя акцыі «Вялікдзень — свята для ўсіх» і «Вялікдзень і міласэрнасць», галоўнай мэтай якіх будзе дапамога пацыентам Гомельскай гарадской бальніцы № 4 і пажылым людзям.

11) Храм іконы Божай Маці «Усіх тужлівых Радасць»
16 красавіка ў ВК № 4 горада Гомеля будзе арганізавана літаратурна-музычная кампазіцыя.18 красавіка ў выставачнай зале ДУА «ГДУ імя Ф. Скарыны» адкрыецца велікодная фотавыстаўка з працамі прыхаджан храма і ўдзельнікаў фотаклуба «Святло душы». Завершыць цыкл мерапрыемстваў літаратурна-музычная кампазіцыя «Велікодная радасць» для насельнікаў дамоў састарэлых і інвалідаў вёсак Шубіна, Прысна і Васільеўка.

 Гомельская епархія / Church.by