У першым беларускім храме ў гонар мучаніка Трыфана адбылася першая Літургія
15 лютага 2021
13 лютага 2021 года 13 лютага 2021 года — асаблівы дзень у гісторыі Варварынскай парафіі Салігорска. У крыптавым храме гэтага прыхода, названым у гонар мучаніка Трыфана, адбылася першая Бажэственная літургія. Гэта першы і пакуль адзіны Трыфанаўскі храм у Беларусі.
Па благаславенню епіскапа Слуцкага і Салігорскага Антонія Бажэственную літургію здзейсніў благачынны Салігорскай царкоўнай акругі протаіерэй Мікалай Розаў у саслужэнні сакратара Слуцкага епархіяльнага ўпраўлення протаіерэя Мікалая Лабынько, настаяцеля Варварынскай парафіі протаіерэя Дзімітрыя Васільева, настаяцеля парафіі храма блажэннай Матроны Маскоўскай у горадзе Салігорску іерэя Аляксандра Чура, іерэя Яўгена Ткачова.
Дыяканскі чын узначаліў клірык кафедральнага сабора Ражджаства Хрыстова горада Салігорска протадыякан Андрэй Самуйліч.
Спевы выканаў парафіяльны хор пад кіраўніцтвам Марыны Акапян.
На працягу тыдня абшчына пераехала з часовага богаслужэбнага памяшкання на вуліцы Кастрычніцкай, і цяпер малітва будзе здзяйсняцца ў сценах Трыфанаўскага храма пастаянна. Сваім ходам ідзе і будаўніцтва верхняга храма ў гонар велікамучаніцы Варвары.
На ўрачыстае богаслужэнне сабралася мноства вернікаў, гасцей, паломнікаў.
Увечары 13 лютага і ў сам дзень памяці святога мучаніка Трыфана — 14 лютага — у храме прайшлі святочныя богаслужэнні.
Храм размешчаны па вуліцы Набярэжнай, 4. Час яго працы — штодня з 8:30 да 18:00.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
