Пошук

Напярэдадні свята Лукаўскай іконы Божай Маці ў Брэсцкай епархіі пройдзе пешы хрэсны ход

20 чэрвеня 2017

У Маларыцкім раёне ўжо становіцца добрай традыцыяй правядзенне хрэснага ходу да свята Лукаўскага абраза Божай Маці. У гэтым годзе хрэсны ход адбудзецца 22 чэрвеня.

22 чэрвеня ў 9:00 ад храма свяціцеля Мікалая Цудатворца горада Маларыта выходзіць пешы хрэсны ход праз аграгарадок Ляхаўцы, аграгарадок Макраны, вёску Ужава ў аграгарадок Лукава (дабрацца ў Маларыту з Брэста можна на дызелі і маршрутных таксі, вакзал у Маларыце знаходзіцца недалёка ад храма). Па прыбыцці хрэснага ходу ў царкву Лукаўскага абраза Божай Маці аграгарадка Лукава — кароткі адпачынак. У 17:30 вадасвятны малебен, у 18:00 будзе здзейсненае святочнае начное трыванне і споведзь. Пасля трывання — адпачынак у храме. У 23:00 — пачатак хрэснага ходу ад храма Лукаўскага абраза Божай Маці праз аграгарадок на паўвостраў Лукаўского возера да храма Яўлення Божай Маці. Да шэсця могуць далучыцца ўсе жадаючыя. У поўнач (00:00) будуць здзейсненыя гадзіны, саборам духавенства будзе адслужаная ранняя Бажэственная літургія.

На начны хрэсны ход і начную Літургію запрашаюцца памаліцца, ушанаваць свята і праславіць Царыцу Нябесную, Якая явілася у гэты дзень на Лукаўскім возеры, усе жадаючыя, у дзённы час занятыя на працы. Усе, хто не зможа ноччу вярнуцца дадому, змогуць адпачыць да раніцы ў царкве, якая будзе адкрыта ўсю ноч.

23 чэрвеня — свята Лукаўскай іконы Божай Маці. У 7:45 будуць здзейсненыя гадзіны, споведзь. У 8:30 адбудзецца сустрэча архіепіскапа Брэсцкага і Кобрынскага Іаана. Будуць здзейсненыя позняя Бажэственная літургія ў храме Лукаўскай іконы Божай Маці і хрэсны ход да храма Яўлення Божай Маці на паўвостраў Лукаўскага возера. У 13:00 адбудзецца сустрэча святароў з прадстаўнікамі моладзевых брацтваў, якія будуць прымаць удзел ва ўрачыстасцях у гонар Лукаўскага абраза Божай Маці.

— Запрашаем усіх ушанаваць памяць Яўлення Божай Маці і Лукаўскую ікону Царыцы Нябеснай. Каму па сілах і па магчымасцях — паўдзельнічаюць у пешым хрэсным ходзе, або далучыцеся хаця б да вячэрняга богаслужэння, або памаліцеся на начной Літургіі. Ніхто не застанецца «нікчэмным і не пачутым ў сваіх малітвах» да Божай Маці. Усіх Яна пакрые Сваім малітоўным амафорам. Прасвятая Багародзіца, уратуй нас! Найсвяцейшая Багародзіца, памагай нам! — кажа благачынны Маларыцкай акругі протаіерэй Віктар Паляціла.

Брэсцкая епархія / Church.by