Пошук

У Праабражэнскім саборы Смаргоні асвячаны пад'ёмнік для людзей з абмежаванымі магчымасцямі

08 ліпеня 2020

У саборы Праабражэння Гасподняга горада Смаргоні ўсталяваны пад'ёмнік для людзей з абмежаванымі магчымасцямі. Асвячэнне пад'ёмніка здзейсніў настаяцель сабора протаіерэй Анатоль Рэзановіч.

Пасля малітвы і акраплення святой вадой айцец Анатоль запрасіў калясачніка Яўгена Шмаціну перарэзаць яркую стужачку і выпрабаваць пад'ёмнік у дзеянні. Пасля іспытаў Яўген адзначыў, што ўсё зроблена якасна. Ліфт мае дастатковы памер для таго, каб у яго заехаць на калясцы разам з велапрыстаўкай.

— Дарога да храма у кожнага чалавека свая. Хтосьці з-за малавер'я, хтосьці з-за ляноты і акаляючай мітусні не наведвае набажэнствы. Але ёсць сярод людзей і тыя, для якіх дзверы ў храм зачынены па не залежнай ад іх прычыне. Прычына гэтая — няздольнасць рухацца ці няздольнасць падняцца на высокія прыступкі, якія вядуць у сабор, — сказаў святар, звяртаючыся да прысутных на ўрачыстым адкрыцці. — Сёння вароты сабора Праабражэння Гасподняга расчыніліся для людзей з абмежаванымі магчымасцямі. Гэтымі варотамі стаў спецыяльны пад'ёмнік, якім могуць скарыстацца інваліды-калясачнікі і людзі, якім складана падымацца па прыступках. Ідэя будаўніцтва пад'ёмніка у мяне ўзнікла даўно. У гэтым годзе дзякуючы падтрымцы мясцовай улады, а таксама спонсарскай дапамозе прадпрыемстваў, арганізацый, індывідуальных прадпрымальнікаў і вернікаў увасабленне ў жыццё гэтай патрэбнай справы стала магчымым.

Спонсарскую дапамогу для будаўніцтва пад'ёмніка аказалі: ТАА «СУ-95» (кіраўнік А. М. Аніскевіч), ПУ «Смаргоньгаз» (кіраўнік В. І. Мядвецкі), ТАА «Практыксэрвіс» (П. І. Шыркавец), ПВУП «БелБрусПастаўка» (Н. В. Ралевіч), ЧТПУП «ФаварытМебель» (В. М. Ярашэвіч), РУП ЖКГ (М. І. Найдзіч), КУП «ЖРЭС Смаргонскага раёна» (В. З. Станкевіч), ТАА «Будаўнічае прадпрыемства «Зубр» (М. У. Ярмолаў), ІП Таўкач М. В., ІП Кандратовіч Д. А.

— Выказваю велізарную падзяку ўсім, хто падтрымаў гэтую богаўгодную справу. Без спонсарскай дапамогі неабыякавых людзей, а таксама без падтрымкі старшыні райвыканкама Генадзя Харужыка, яго намесніка Таццяны Шчаберака, старшыні раённага Савета дэпутатаў Сяргея Кудзеньчука рэалізаваць гэтую ідэю было б немагчыма — адзначыў айцец Анатоль.

Лідская епархія / Church.by