У сераду Светлага тыдня Патрыяршы Экзарх узначаліў Пасхальную вячэрню ў Гродзенскім Нараджэння Багародзіцы жаночым манастыры
19 красавіка 2017
19 красавіка 2017 года, у сераду Светлай сядміцы, мітрапаліт Мінскі і Заслаўскі Павел, Патрыяршы Экзарх усяе Беларусі, архіепіскапы: Гродзенскі і Ваўкавыскі Арцемій; Навагрудскі і Слонімскі Гурый; епіскап Лідскі і Смаргонскі Парфірый здзейснілі Пасхальную вячэрню ў саборным храме Гродзенскага Нараджэння Багародзіцы жаночага манастыра.
Архіпастырам саслужылі: кіраўнік спраў Мінскай Экзархіі архімандрыт Сергій (Брыч); сакратар Гродзенскага епархіяльнага ўпраўлення протаіерэй Анатоль Ненартовіч; сакратар Мінскай епархіі протаіерэй Андрэй Волкаў і клірыкі жаночага манастыра Нараджэння Багародзіцы.
На богаслужэнні прысутнічалі: старшыня Гродзенскага абласнога выканаўчага камітэта Уладзімір Васільевіч Краўцоў і іншыя афіцыйныя асобы.
Богаслужэбныя спевы выканалі святочны хор абіцелі Нараджэння Багародзіцы пад кіраўніцтвам Наталлі Андрушэвіч і дзіцячы хор манастыра пад кіраваннем Юліі Косак.
Па завяршэнні богаслужэння Патрыяршы Экзарх звярнуўся да духавенства, сясцёр і вернікаў манстыра са словам навучання.
Далей мітрапаліт Павел даў усім архіпастырскае благаславенне. Кожнаму, хто маліўся ў храме, Патрыяршы Экзарх ўручыў велікоднае яйка, а дзецям, акрамя гэтага, шакаладкі.
Пасля вячэрні мітрапаліт Павел павіншаваў дзяцей-інвалідаў, якіх акармляе Гродзенскі Святога Нараджэння Багародзіцы манастыр, і ўручыў ім салодкія велікодныя падарункі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
