Выдадзены насценны каляндар на 2014 год “Святыя зямлі Беларускай”

Сёлета будзе адзначацца 30-годдзе ўстанаўлення Сабору Беларускіх святых. У сувязі з гэтым намаганнямі Брацтва у гонар Віленскіх мучанікаў Антонія, Іаана і Яўстафія выдадзены насценны каляндар на 2014 год “Святыя зямлі Беларускай”. На календары прыведзены даты памяці беларускіх святых у парадку іх святкавання на працягу года.

З дат, што маюць дачыненне да беларускіх святых, пераходзячымі з’яўляюцца толькі дзве: святкаванне Сабору Беларускіх святых — у Нядзелю 3-ю пасля Пяцідзесятніцы, а таксама Сабору навамучанікаў і вызнаўцаў зямлі Беларускай — у Нядзелю пасля 28 кастрычніка. Індывідуальныя даты памяці беларускіх святых з’яўляюцца непераходзячымі, таму каляндар будзе зручным і ў наступныя гады для ўсіх, хто ўшаноўвае памяць святых апекуноў зямлі Беларускай.

Набыць каляндар можна ў кніжнай лаўцы Свята-Петра-Паўлаўскага сабора г. Мінска, вул. Ракаўская, 4.

Свята-Петра-Паўлаўскі сабор / Church.by