Дні праваслаўнай культуры «Хваліте імя Господне!» пройдуць у сталіцы Беларусі

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, прыход храма праведнай Сафіі, княгіні Слуцкай, у горадзе Мінску правядзе дні праваслаўнай культуры «Хваліте імя Господне!» з 18 верасня па 10 лістапада. У праграме: духоўныя спевы, аўтарская паэзія членаў Саюза пісьменнікаў Беларусі, выступленні артыстаў эстрады.

У Тураўскай епархіі пачаліся ўрачыстасці ў гонар Юравіцкай іконы Божай Маці

Сёлета двухдзённае святкаванне было вырашана прысвяціць 180-годдзю Полацкага царкоўнага сабора, 155-годдзю перадачы комплексу Юравіцкай абіцелі Мінска-Беларускай епархіі, 35-годдзю ўсталявання святкавання Сабора Беларускіх святых і 30-годдзю ўтварэння Беларускага Экзархату.

У дзень Усекнавення галавы Іаана Хрысціцеля мітрапаліт Павел здзейсніў Літургію ў Горненскім жаночым манастыры ў Іерусаліме

11 верасня, у дзень святкавання Усекнавення галавы Прарока, Прадцечы і Хрысціцеля Гасподняга Іаана, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме Усіх святых у зямлі Расійскай праслаўленых у Горненскім жаночым манастыры горада Іерусаліма.

У Мінскай духоўнай акадэміі адбудзецца прэзентацыя мультымедыйнага праекта «Белым па чорным. Вялікая княгіня Лізавета Фёдараўна»

11 верасня ў 20:00 у актавай зале Мінскай духоўнай акадэміі адбудзецца прэзентацыя мультымедыйнага праекта «Белым па чорным. Вялікая княгіня Лізавета Фёдараўна», які стаў адным з пераможцаў міжнароднага грантавага конкурсу «Праваслаўная ініцыятыва».

Літургія на беларускай мове была здзейсненая ў ніжняй царкве Гродзенскага Старога замка

8 верасня, у рамках святкавання Дня беларускага пісьменства, у ніжняй царкве Старога замка горада Гродна была здзейснена Літургія на беларускай мове. Узначаліў богаслужэнне настаяцель Пакроўскага кафедральнага сабора протаіерэй Георгій Рой. Па словах айца Георгія, верагодна, гэта першая за стагоддзі Літургія, адслужаная на гэтым месцы.

Больш за 1240 дзяцей атрымалі падарункі ад Гомельскай епархіі

Традыцыйная штогадовая акцыя «Збяры партфель у школу» завяршылася ў Гомельскай епархіі. Прыходы і епархіяльны аддзел па сацыяльнаму служэнню сабралі ахвяраванні для дзяцей з малазабяспечаных, шматдзетных, няпоўных, апякунскіх, прыёмных, якія знаходзяцца ў сацыяльна небяспечным становішчы сем'яў, а таксама для выхаванцаў сацыяльных устаноў і падапечных грамадскіх дабрачынных арганізацый.

Падведзены вынікі V Рэспубліканскага конкурсу «Бібліятэка — цэнтр духоўнай асветы і выхавання»

У конкурсе прынялі ўдзел 62 працы ад бібліятэк устаноў адукацыі, падпарадкаваных Міністэрству адукацыі Рэспублікі Беларусь, публічных бібліятэк Міністэрства культуры Рэспублікі Беларусь, бібліятэк Беларускай Праваслаўнай Царквы.

Патрыяршы Экзарх усяе Беларусі прыняў удзел у здзяйсненні Літургіі на Гробе Гасподнім у Іерусаліме

У ноч з 7 на 8 верасня на Жываносным Гробе Гасподнім у горадзе Іерусаліме была здзейснена Бажэственная літургія. Богаслужэнне здзейснілі архіепіскап Лідскі Дзімітрый, сакратар Свяшчэннага Сінода Іерусалімскага Патрыярхату, мітрапаліт Мінскі і Заслаўскі Павел, Патрыяршы Экзарх усяе Беларусі, і епіскап Кастамукшскі і Кемскі Ігнацій.

Напярэдадні Нядзелі 12-й пасля Пяцідзесятніцы мітрапаліт Павел здзейсніў усяночнае трыванне ў Свята-Троіцкім саборы Рускай духоўнай місіі ў Іерусаліме

7 верасня, напярэдадні Нядзелі 12-й пасля Пяцідзесятніцы, дзень святкавання Стрэчання Уладзімірскай іконы Прасвятой Багародзіцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Троіцкім саборы Рускай духоўнай місіі ў Іерусаліме.

На базе прадстаўніцтва Беларускага Экзархату ў Маскве будуць праходзіць заняткі па беларускай мове

Праграма заняткаў уключае агляд агульных звестак пра Беларусь, знаёмства з алфавітам, фанетычным і граматычным строем мовы, мовазнаўчы аналіз тэкстаў Свяшчэннага Пісання Старога і Новага Запавету, азнаямленне з беларускай літаратурай.

У Прэзідэнцкай бібліятэцы працуе выстава «Духоўных кніг боская мудрасць: да вытокаў беларускай кнігі»

На выставе прадстаўлены кірылічныя выданні XVII-XVIII стагоддзяў, такія як «Служэбнік» (1601), «Анфалагіён» (1619) «Трыадыён» (1664), «Псалтыр» (1737), рэдкія і ўнікальныя выданні Новага Запавету з фондаў Прэзідэнцкай бібліятэкі Рэспублікі Беларусь, Гісторыка-археалагічнага кабінета Гомельскай епархіі і Музея Бібліі Інстытута тэалогіі БДУ.

Для журналістаў Бабруйска арганізавалі прэс-тур па храмах горада

4 верасня па благаславенню епіскапа Бабруйскага і Быхаўскага Серафіма Бабруйская епархія правяла аднадзённы прэс-тур па храмах горада Бабруйска для прадстаўнікоў сродкаў масавай інфармацыі.

Адбылася сустрэча архіепіскапа Гродзенскага Арцемія са старшынёй Гродзенскага гарвыканкама

Бакі абмеркавалі бягучыя пытанні дзейнасці епархіі, узаемадзеяння з гарадской адміністрацыяй, а таксама выдзялення зямельных участкаў пад будаўніцтва новых храмаў.

У Брэсце адбыўся канцэрт духоўнай музыкі «Спадчына святая»

Канцэрт быў прымеркаваны да святкавання 1000-годдзя горада над Бугам. Перад пачаткам мерапрыемства адбыўся падзячны малебен Госпаду ў памяць пра юбілей горада. Богаслужэнне здзейсніў архіепіскап Брэсцкі і Кобрынскі Іаан.

Архіпастыры Беларускай Праваслаўнай Царквы прынялі ўдзел ва ўрачыстасцях з нагоды 1000-годдзя горада Брэста

6 верасня ў горадзе над Бугам пачаліся афіцыйныя трохдзённыя ўрачыстасці з нагоды 1000-годдзя горада Брэста. Адным з першых мерапрыемстваў, прысвечаных Брэсцкаму міленіуму, стала правядзенне ўрачыста-святочнай канцэртнай праграмы.