Патрыяршы Экзарх наведаў выстаўку ікон з мармуру ў музеі «Лошыцкая сядзіба» горада Мінска
16 мая 2019
16 мая мітрапаліт Мінскі і Заслаўскі Павел, Патрыяршы Экзарх усяе Беларусі, наведаў выстаўку ікон з мармуру «Беларускі брыльянт у кароне паладыумных ікон Праваслаўя» ў музеі «Лошыцкая сядзіба» горада Мінска.
Выстаўка праводзіцца ў рамках урачыстых мерапрыемстваў, прысвечаных 550-годдзю яўлення Жыровіцкай іконы Божай Маці.
Уладыка Экзарх здзейсніў чын асвячэння абразоў, а затым пагутарыў з супрацоўнікамі і наведвальнікамі музея. Уладыка мітрапаліт пажадаў творчых поспехаў аўтарам абразоў, арганізатарам экспазіцыі і супрацоўнікам музея і заклікаў Божае благаславенне на ўсіх тых, хто знаходзіўся ў музеі.
Усім прысутным было абвешчана мнагалецце, пасля чаго мітрапаліт Павел уручыў кожнаму абразок святой блажэннай Валянціны Мінскай.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
