Пошук

У Мінску прайшла Міжнародная навукова-практычная канферэнцыя «IV чытанні памяці протаіерэя Іаана Грыгаровіча (1792-1852): гісторыка, археографа, археолага» [+відэа]

15 красавіка 2024

11 красавіка 2024 года ў Мінскай духоўнай акадэміі адбылася Міжнародная навукова-практычная канферэнцыя «IV чытанні памяці протаіерэя Іаана Грыгаровіча (1792-1852): гісторыка, археографа, археолага».

У 2024 годзе Беларуская Праваслаўная Царква адзначае знамянальную дату — 200-годдзе выхаду ў свет «Беларускага архіва старажытных грамат», першага зборніка дакументаў па царкоўнай і грамадзянскай гісторыі Беларусі. Дзякуючы гэтаму зборніку быў пакладзены пачатак беларускай археаграфіі як навуковай дысцыпліны, закліканай займацца пошукам, апісаннем і публікацыяй гістарычных дакументаў. Складальнікам «Беларускага архіва старажытных грамат» з'яўляецца протаіерэй Іаан Грыгаровіч, ураджэнец горада Прапойска (цяпер Слаўгарад) Магілёўскай губерні. Пасля заканчэння Магілёўскай духоўнай семінарыі і Санкт-Пецярбургскай духоўнай акадэміі айцец Іаан служыў у Гомелі, Віцебску і Санкт-Пецярбургу. Яго працамі да нашых дзён захавана вялікая колькасць дакументаў — найкаштоўнейшых гістарычных крыніц.

Чытанні памяці протаіерэя Іаана Грыгаровіча сабралі гісторыкаў Беларусі і Расіі, супрацоўнікаў Нацыянальнай акадэміі навук Беларусі і Расійскай акадэміі навук, прафесараў і выкладчыкаў вышэйшых навучальных устаноў, святароў Уладзімірскай, Смаленскай, Мінскай, Брэсцкай, Гомельскай, Навагрудскай, Лідскай, Магілёўскай епархій, студэнтаў духоўных школ, краязнаўцаў.

Перад адкрыццём канферэнцыі ў акадэмічным храме свяціцеля Кірыла Тураўскага была здзейсненая памінальная ліція па протаіерэю Іаану Грыгаровічу. Пасля абвяшчэння «Вечнай памяці» рэктар Мінскай духоўнай акадэміі архімандрыт Афанасій (Сакалоў) распавёў пра спачылага як выдатнага святара і падзвіжніка, які да канца жыцця самааддана выконваў свой пастырскі абавязак. Затым у фае бібліятэкі прайшла прэзентацыя спецыяльна падрыхтаванай экспазіцыі, якую прадставілі архімандрыт Афанасій і загадчык бібліятэкі І.Ю. Перчанка.

Пасля пленарнага пасяджэння была арганізавана работа дзевяці тэматычных секцый. Падрабязная інфармацыя аб прадстаўленых дакладах размешчана на сайце Мінскай духоўнай акадэміі па спасылцы.

Трансляцыя канферэнцыі вялася на YouTube-канале Мінскай духоўнай акадэміі.

МінДА/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok