Архіпастыры Беларускага Экзархату прынялі ўдзел у святкаванні Дня Перамогі

У гэты майскі дзень у храмах Беларускай Праваслаўнай Царквы былі здзейснены падзячны малебен Госпаду Богу за дараванне перамогі і ліція па спачылым ваярам, якія за веру, Айчыну і народ жыццё сваё палажылі, і ўсім па-пакутніцку загінуўлым у гады Вялікай Айчыннай вайны. Апоўдні ў храмах прагучаў звон.

Мітрапаліт Павел усклаў вянок да манумента Перамогі ў горадзе Мінску

9 мая на Плошчы Перамогі ў горадзе Мінску адбылася ўрачыстая цырымонія ўскладання вянкоў да манумента Перамогі. Цырымонію ўзначаліў Прэзідэнт Рэспублікі Беларусь Аляксандр Рыгоравіч Лукашэнка. Вянок да падножжа абеліска усклаў і мітрапаліт Мінскі і Заслаўскі Павел, Патрыяршы Экзарх усяе Беларусі.

У Брэсцкай абласной дзіцячай бальніцы асвечана капліца

4 мая архіепіскап Брэсцкі і Кобрынскі Іаан здзейсніў чын асвячэння капліцы ў гонар свяціцеля Спірыдона Трыміфунцкага ў Брэсцкай абласной дзіцячай бальніцы. Пасля богаслужэння архіерэй наведаў 5-е педыятрычнае аддзяленне і благаславіў малышоў, якія знаходзяцца на лячэнні.

Старшыня Сінадальнага інфармацыйнага аддзела Беларускай Праваслаўнай Царквы выступіў перад слухачамі Акадэміі кіравання пры Прэзідэнце Рэспублікі Беларусь

Царква перад абліччам выклікаў сучаснага свету, хрысціянства і мас-медыя, асаблівасці заканадаўства Беларусі ў частцы рэгулявання ўзаемаадносін канфесій і дзяржавы — гэтыя і іншыя тэмы абмяркоўваліся на сустрэчы.

У Івянцы адкрыўся Другі міжнародны мастацкі пленэр «Святасць зямлі беларускай»

Пленэр прысвечаны кнігадрукаванню і ролі хрысціянства ў гісторыі беларускай кнігі. Цырымонію адкрыцця ўзначаліў епіскап Маладзечанскі і Стаўбцоўскі Павел.

У Гомелі адбыўся канцэрт «Ідучы за Хрыстом»

30 красавіка на пляцоўцы каля храма дабравернага князя Аляксандра Неўскага ў горадзе Гомелі адбыўся святочны канцэрт «Ідучы за Хрыстом», прысвечаны дню памяці святых жанчын-міраносіц. Сваімі выступленнямі парадавалі прыхаджан навучэнцы сярэдняй школы № 15, а таксама моладзевы гурт прыхода.

Праваслаўныя добраахвотнікі прынялі ўдзел у добраўпарадкаванні тэрыторыі мемарыяла вайсковай славы паблізу Астрашыцкага Гарадка

Акцыя, праведзеная напярэдадні Дня Перамогі, аб'яднала розных людзей. У лік яе ўдзельнікаў ўвайшлі сёстры міласэрнасці з сястрынства блажэннай Валянціны Мінскай вёскі Ляскоўка Мінскага раёна, а таксама свяшчэннік Сергій Ляшкевіч.

Добрая вестка аб Уваскрасенні Хрыстовым прагучала ў сценах дзесяці псіханеўралагічных інтэрнатаў Мінскай вобласці

Арганізатарам велікодных экспедыцый стала брацтва свяціцеля Спірыдона Трыміфунцкага (Заслаўе). Братчыкі не толькі раздавалі людзям, якія пражываюць у інтэрнатах, велікодныя гасцінцы, але і рыхтавалі святочныя канцэртныя праграмы на 3-4 гадзіны.

Конкурс дзіцячага малюнка «Пасха Хрыстова» адбыўся ў Лідскай епархіі

Епіскап Лідскі і Смаргонскі Парфірый узначаліў цырымонію ўзнагароджання ўдзельнікаў VII адкрытага епархіяльнага конкурсу дзіцячага малюнка «Пасха Хрыстова», у якім прынялі ўдзел 276 дзяцей ва ўзросце ад 5 да 16 гадоў.

У салігорскім кафедральным саборы была здзейсненая Літургія для выхаванцаў ЦКРНіР

Богаслужэнне ўзначаліў іерэй Дзмітрый Ляўчук, клірык прыхода святой вялікамучаніцы Варвары горада Салігорска. Усе прысутныя дзеці прычасціліся Святых Хрыстовых Тайн.

У Калінкавічах адбыўся Праваслаўны фестываль духоўнай, народнай і ваенна-патрыятычнай песні «Палескі Вялікдзень»

У фестывалі прынялі ўдзел 16 хораў з Мазыра, Калінкавічаў, Лельчыц, Капаткевічаў, Петрыкава і іншых гарадоў. Перад пачаткам канцэрту да шматлікіх гледачоў звярнуўся епіскап Тураўскі Леанід.

Архіепіскап Брэсцкі Іаан пабываў з візітам у сацыяльных установах Брэста

26-27 красавіка архіепіскап Брэсцкі і Кобрынскі Іаан наведаў шэраг сацыяльных устаноў Брэста, дзе павіншаваў дзяцей і адзінокіх састарэлых людзей са святам Уваскрасення Хрыстовага і ўручыў ім падарункі.

Восьмыя Пасхальныя чытанні прайшлі ў Лепельскім благачынні

У рамках плана супрацоўніцтва Лепельскага благачыння і аддзела адукацыі, спорту і турызму Лепельскага райвыканкама Пасхальныя чытанні праводзяцца штогод. У год стагоддзя Кастрычніцкай рэвалюцыі ўдзельнікі чытанняў абмяркоўвалі тэму «1917 — 2017. Вынікі гісторыі для Беларусі», гутарылі пра лёсы рэпрэсіраваных праваслаўных святароў.

Прэзідэнт Беларусі Аляксандр Лукашэнка і Прэзідэнт Украіны Пётр Парашэнка наведалі храм Архангела Міхаіла ў аграгарадку Ляскавічы

26 красавіка, у гадавіну катастрофы на ЧАЭС, адбылася сустрэча Прэзідэнта Рэспублікі Беларусь Аляксандра Лукашэнкі і Прэзідэнта Украіны Пятра Парашэнкі. Кіраўнікі дзяржаў, у прыватнасці, наведалі Міхайлаўскі храм у Ляскавічах, дзе іх сустрэў епіскап Тураўскі Леанід. Высокія госці запалілі свечкі ў памяць аб ахвярах Чарнобыльскай аварыі.

У 31-ю гадавіну аварыі на Чарнобыльскай АЭС у Мінску малітоўна памянулі ахвяр катастрофы

Па благаславенню Патрыяршага Экзарха благачынны 3-ай Мінскай гарадской акругі протаіерэй Мікалай Коржыч здзейсніў памінальную ліцію па загінуўшых ліквідатарах наступстваў аварыі і ўсіх сканаўшых пасля катастрофы.