Дабрачынная акцыя «Велікодны куліч» адбылася ў Полацку

Старшыня Полацкай арганізацыі ГА «Беларускае таварыства інвалідаў» Надзея Мацвееўна Юзэфовіч у знак падзякі ад членаў арганізацыі ўручыла падарункі, зробленыя рукамі асаблівых людзей, архіепіскапу Феадосію і іерэю Марку Пуляку.

У Калінкавіцкай гімназіі адкрылася выстава юных іканапісцаў

30 красавіка ў рамках супрацоўніцтва ДУА «Гімназія горада Калінкавічы» і аддзела рэлігійнай адукацыі і катэхізацыі Тураўскай епархіі на базе гімназіі адбылося ўрачыстае адкрыццё выставы іканапісу.

Сотні веруючых гамельчукоў прайшлі хрэсным ходам да помніка свяціцеля Кірыла Тураўскага

Хрэсны ход да помніка «Залатавуста, які больш за ўсіх на Русі праславіўся» здзяйсняецца ўжо дзявяты год запар. А саборнае богаслужэнне, якое ўзначальвае архіепіскап Гомельскі і Жлобінскі Сцяфан, па праве можна назваць адным з самых маштабных у годзе.

У абноўлены Каложскі храм Гродна ўнеслі гістарычны спіс Каложскай іконы Божай Маці

У Гродна праз стагоддзе вярнуўся гістарычны спіс унікальнай Каложскай іконы Прасвятой Багародзіцы. 1 мая яго ўрачыста ўнеслі ў Барысаглебскую (Каложскую) царкву. Бажэственную літургію ў дзень прынясення абраза ў храм узначаліў архіепіскап Гродзенскі і Ваўкавыскі Арцемій.

У Мікольскім храме ў Шабанах маліліся за пацярпелых ад катастрофы на ЧАЭС

У чацвер 25 красавіка, напярэдадні 33-й гадавіны катастрофы на Чарнобыльскай АЭС, у Мікольскім храме, што ў мікрараёне Шабаны горада Мінска, быў здзейснены малебен аб здароўі ўсіх, хто пацярпеў ад наступстваў Чарнобыльскай аварыі. У 1986-1987 гадах у мікрараён Шабаны былі пераселены сям'і з зоны адсялення.

У мінскай парафіі святога Аляксандра Неўскага ўшанавалі памяць ахвяраў генацыду армян

24 красавіка на Вайсковых могілках горада Мінска ўшанавалі памяць ахвяр генацыду армянскага народа 1915 — 1923 гадоў. У памяць аб загінуўшых ля сцен Аляксандра-Неўскага храма была адслужана памінальная ліція. У жалобна-памятным мерапрыемстве прыняў удзел пасол Арменіі ў Беларусі Армэн Гевандзян.

У Мінску адбылася VI Міжнародная навукова-практычная канферэнцыя «Рэлігія і камунікацыя»

Арганізатарамі канферэнцыі выступілі: Інстытут тэалогіі імя святых Мяфодзія і Кірыла БДУ, факультэт філасофіі і сацыяльных навук БДУ і Мінская духоўная акадэмія. У канферэнцыі прынялі ўдзел айчынныя навукоўцы, а таксама больш за 150 спецыялістаў з Расіі, Украіны, Польшчы, Германіі, Эстоніі, Сірыі, Канады і Вялікабрытаніі.

«Нядзельныя гутаркі з епіскапам Парфірыем» праходзяць у Лідскай епархіі

Чарговая сустрэча архіпастыра з вернікамі адбылася 21 красавіка, у свята Уваходу Гасподняга ў Іерусалім, у Дзіцячай школе мастацтваў горада Ліды. Наступная гутарка запланаваная на 19 мая.

Дабрачынныя вербныя кірмашы прайшлі ў Магілёве

21 красавіка, у Вербную нядзелю, каля магілёўскіх храмаў прайшлі дабрачынныя кірмашы, дзе былі прадстаўлены выпечка, вышыўка, велікодныя сувеніры, вырабленыя рукамі выхаванцаў нядзельных школ і іх бацькоў.

Прэзентацыя выданняў Гродзенскай епархіі адбылася ў Гродзенскім дзяржаўным універсітэце

22-23 красавіка на факультэце гісторыі, камунікацыі і турызму ГрДУ імя Янкі Купалы праходзіць студэнцкі навуковы форум «FIKIT_SCIENCE». У рамках форуму кнігі і перыёдыка, якая выдаецца пры падтрымцы Гродзенскай епархіі, былі прадстаўлены ўдзельнікам мерапрыемства.

Адкрыты лекторый, прысвечаны Страсному тыдню, прайшоў у Сімяонаўскім кафедральным саборы горада Брэста

21 красавіка клірык кафедральнага сабора прападобнага Сімяона Стоўпніка ў горадзе Брэсце іерэй Аляксій Макаранка правёў адкрыты лекторый, прысвечаны перыяду Страснога тыдня і звязаных з ім Евангельскіх эпізодаў апошніх дзён зямнога жыцця Госпада Іісуса Хрыста.

Вялікапосны канцэрт прайшоў у Петрапаўлаўскім кафедральным саборы Гомеля

У святочны дзень Уваходу Гасподняга ў Іерусалім, 21 красавіка, у Петра-Паўлаўскім кафедральным саборы горада Гомеля адбыўся канцэрт вялікапосных спеваў. Атрымаць асалоду ад царкоўных спеваў слухачам дапамаглі харавыя калектывы храмаў і ўстаноў адукацыі.

На базе Віцебскай духоўнай семінарыі адбыўся курс лекцый «Праваслаўе для пачаткоўцаў»

У храме святых роўнаапостальных Мяфодзія і Кірыла пры ВіцДС быў здзейснены падзячны малебен з нагоды завяршэння адукацыйнага курса лекцый «Праваслаўе для пачаткоўцаў», арганізаванага пры падтрымцы ДУ «Тэрытарыяльны цэнтр сацыяльнага абслугоўвання Першамайскага раёна горада Віцебска».

Патрыяршы Экзарх усяе Беларусі выказаў спачуванне ў сувязі з тэрактамі на Шры-Ланцы

«Уваскрэслы Гасподзь няхай пашле больш хуткае выздараўленне параненым, даруе мужнасць родным і блізкім загінулых і пацярпелых і дапаможа ўсім людзям добрай волі супрацьстаяць злу тэрору» — гаворыцца ў спачуванні мітрапаліта Паўла.

Міністр працы Рэспублікі Беларусь прыняла ўдзел у суботніку на тэрыторыі сталічнага храма іконы Божай Маці «Усецарыца»

20 красавіка на тэрыторыі будуемага храма іконы Божай Маці «Усецарыца» па вуліцы Чыгуначнай у Мінску адбыўся рэспубліканскі суботнік. У добраўпарадкаванні тэрыторыі вакол будучага каменнага храма, а таксама храма ў гонар святога праведнага страстацерпца Яўгенія Боткіна прынялі ўдзел каля 20 супрацоўнікаў Міністэрства працы і сацыяльнай абароны Рэспублікі Беларусь на чале з міністрам працы Ірынай Анатольеўнай Касцевіч і прадстаўнікі Беларускага грамадскага аб'яднання ветэранаў на чале са старшынёй Іванам Аркадзьевічам Гардзейчыкам.