«Зробім!» — прыхаджане мінскага храма абраза Божай Маці «Няўпіўная Чаша» прынялі ўдзел у экалагічным суботніку

6 ліпеня ў Мінску прайшла сустрэча па ачыстцы ўнікальнай зялёнай зоны горада ад смецця. Арганізатарам мерапрыемства стала парафіянка і пеўчая храма іконы Божай Маці «Няўпіўная Чаша» Любоў Мароз — чалавек з актыўнай жыццёвай пазіцыяй і валанцёр.

Хрэсны ход у гонар Сабору Беларускіх святых адбыўся ў Гродне

Хрэсны ход з нагоды гэтага свята ўжо стаў традыцыйным для Гродна — ён праводзіцца больш за два дзесяцігоддзі. Канчатковым пунктам маршруту шэсця з'яўляецца храм Сабору Беларускіх святых, дзе ў гэты дзень здзяйсняецца Літургія на беларускай мове.

З 2 па 4 жніўня ў Жыровічах пройдзе XXII семінар «Анастасіс»

Сустрэчы «Анастасіс» прызначаныя для ўсіх, каму важныя пытанні духоўнага і асобаснага развіцця, хто шукае ўмацавання сямейных узаемаадносін, каго закранае тэма наркатычнай і іншых залежнасцяў. Тэма XXII семінара: «Даручэнне нашай волі і жыцця Богу як крок да свабоды».

Прадстаўнік Беларускай Праваслаўнай Царквы прыняў удзел у міжнароднай канферэнцыі турэмных капеланаў Еўропы

Па благаславенню Патрыяршага Экзарха ўсяе Беларусі старшыня Сінадальнага аддзела па турэмнаму служэнню Беларускай Праваслаўнай Царквы святар Георгій Лапухоў з 1 па 4 ліпеня прымаў удзел у рабоце Міжнароднай канферэнцыі турэмных капеланаў Еўропы, якая праходзіла на базе Цэнтра культуры Сэн-Тама ў Страсбургу (Францыя).

Ідзе рэгістрацыя на ўдзел у злёце моладзі Барысаўскай епархіі

Па благаславенню епіскапа Барысаўскага і Мар'інагорскага Веніяміна 18-21 ліпеня пройдзе традыцыйны штогадовы злёт-сплаў на плытах па рацэ Бярэзіна, арганізаваны аддзелам па справах моладзі Барысаўскай епархіі. Рэгістрацыя на ўдзел у злёце завяршаецца 15 ліпеня.

У Мінску пройдзе цыкл мерапрыемстваў, прымеркаваных да асвячэння першага ў Беларусі храма ў гонар святога ўрача-страстацерпца Яўгенія Боткіна

8 ліпеня ў Доме прэсы адбудзецца прэс-канферэнцыя з удзелам прадстаўнікоў Міністэрства аховы здароўя, БПЦ і беларускіх гісторыкаў. 12 ліпеня ў канферэнц-зале Мінскай духоўнай акадэміі пройдзе адкрытая навукова-практычная лекцыя «Этычныя выклікі XXI стагоддзя». Лекцыю правядзе кіраўнік Маскоўскага НДІ пульманалогіі, доктар медыцынскіх навук Аляксандр Чучалін. Асвячэнне храма ў гонар страстацерпца Яўгенія Боткіна адбудзецца 13 ліпеня. Чын асвячэння і Бажэственную літургію ў храме ўзначаліць мітрапаліт Мінскі і Заслаўскі Павел, Патрыяршы Экзарх усяе Беларусі.

Мітрапаліт Павел выказаў спачуванне ў сувязі з катастрофай у Баранцавым моры

«Трагедыя забрала жыцці чатырнаццаці афіцэраў-падводнікаў. Молімся аб загінуўшых і просім Госпада ўпакоіць душы іх у Царстве Нябесным» — гаворыцца ў спачуванні Патрыяршага Экзарха ўсяе Беларусі, накіраваным на імя Надзвычайнага і Паўнамоцнага Пасла Расійскай Федэрацыі ў Рэспубліцы Беларусь Дзмітрыя Мезенцава.

З 30 ліпеня па 1 жніўня адбудзецца моладзевы экалагічны злёт Гродзенскай епархіі

З 30 ліпеня па 1 жніўня на тэрыторыі прыхода храма Святой Жыццепачатнай Троіцы гарадскога пасёлка Зэльва (Гродзенская епархія) адбудзецца XII экалагічны злёт «Праваслаўная моладзь за ўстойлівае развіццё».

Патрыяршы Экзарх прыняў удзел ва ўрачыстым сходзе, прысвечаным Дню Незалежнасці Рэспублікі Беларусь

2 ліпеня ў Палацы Рэспублікі ў горадзе Мінску адбыўся ўрачысты сход, прысвечаны Дню Незалежнасці Рэспублікі Беларусь і 75-годдзю вызвалення Беларусі ад нямецка-фашысцкіх захопнікаў.

Праваслаўна-краязнаўчыя чытанні «Да вытокаў сваіх вяртаемся» прайшлі ў Пінску

28 чэрвеня па благаславенню архіепіскапа Пінскага і Лунінецкага Сцяфана ў духоўна-асветніцкім цэнтры «Вытокі» Пінскай цэнтральнай гарадской бібліятэкі адбыліся Пятыя праваслаўна-краязнаўчыя чытанні «Да вытокаў сваіх вяртаемся».

На беразе Заронаўскага возера было здзейснена масавае хрышчэнне

Кіраўнік місіянерскага аддзела Віцебскай епархіі протаіерэй Аляксандр Лесавой здзейсніў масавае хрышчэнне ў вёсцы Заронава Віцебскага раёна.

Ідзе прыём заявак на ўдзел у конкурсе метадычных распрацовак у галіне рэлігійнай адукацыі і духоўна-маральнага выхавання «Скарбніца мудрасці»

Сінадальны аддзел рэлігійнай адукацыі і катэхізацыі Беларускай Праваслаўнай Царквы запрашае да ўдзелу ў інтэрнэт-конкурсе метадычных распрацовак у галіне рэлігійнай адукацыі і духоўна-маральнага выхавання «Скарбніца мудрасці». Заяўкі на ўдзел у конкурсе прымаюцца да 1 лістапада.

Сінадальны аддзел па турэмнаму служэнню БПЦ падвёў вынікі конкурсу творчасці асуджаных

28 чэрвеня адбылося падвядзенне вынікаў конкурсу «Вера ў маім сэрцы — духоўнасць без межаў», які штогод праводзіць Сінадальны аддзел па турэмнаму служэнню Беларускай Праваслаўнай Царквы сярод асоб, якія адбываюць тэрміны пакарання ва ўстановах Дэпартамента выканання пакаранняў МУС Рэспублікі Беларусь.

Тураўская епархія запрашае прыняць удзел у хрэсным ходзе на веласіпедах

Па благаславенню епіскапа Тураўскага і Мазырскага Леаніда 6 ліпеня адбудзецца хрэсны ход на веласіпедах па маршруце Калінкавічы — Юравічы. Епархія запрашае дарослых і дзяцей напярэдадні дня святкавання памяці дабраверных Пятра і Фяўронні, заступнікаў сям'і і шлюбу, прыняць удзел у хрэсным ходзе і памаліцца за моцныя сем'і і шчаслівае дзяцінства.

Лекцыя «Як правільна любіць сябе?» адбудзецца ў Мінскай духоўнай акадэміі 1 ліпеня

На астатак лета асветніцкія курсы «Святло Праваслаўя» пры МінДА сыходзяць на канікулы, але ў выглядзе выключэння ў наступныя два месяцы адбудуцца 2-3 лекцыі з цікавымі гасцямі. Першая з іх пройдзе ўжо 1 ліпеня. Вядомы праваслаўны псіхолаг Марына Філонік (Масква) выступіць на тэму «Як правільна любіць сябе? Самаацэнка, пакора і асуджэнне».